2026-cı ilə qədər qlobal hərbi PUA bazarı 19 milyard dollara çatacaq

2022/06/1654159222.jpg
Oxunub: 235     07:20     26 Yanvar 2023    
Qlobal hərbi PUA bazarı 2021-ci ildəki satışları ilə müqayisədə 2026-cı ilə qədər 7,3% artacaq və 18,9 milyard dollara çatacaq.

Ordu.az xəbər verir ki, bu barədə “Research and Markets” analitik şirkətinin araşdırmasında deyilir.

Araşdırmada deyilib ki, 2021-ci ildə hərbi PUA bazarı 13,3 milyard dollara çatıb, 2016-cı illə müqayisədə artım 2,5% təşkil edib. Tədqiqatçılar qeyd ediblər ki, dron bazarının böyüməsi təhlükəsizlik sahəsində dövlət xərclərinin artması, daxili və xarici təhlükələrin artması ilə stimullaşdırılacaq.

Gələcəkdə hərbi PUA bazarının böyüməsinə mane ola biləcək amillərə kiberhücumların artması, onların alınması və istismarı üçün qaydaların sərtləşdirilməsi daxildir.

Eyni zamanda, uzun mənzilli hibrid PUA-lar ən sürətlə böyüyən bazar seqmenti olacaq. Regionlar arasında PUA alışında ən böyük artım Qərbi Avropa və Şimali Amerikada olacaq. PUA bazarının böyüməsinə 3D çap texnologiyaları və süni intellekt təsir göstərəcək.

Ordu.az

© Materiallardan istifadə edərkən hiperlinklə istinad olunmalıdır


Teqlər: PUA   Bazar  


Bizi "telegram"da izləyin