Ordu.az xəbər verir ki, bu barədə Ermənistanın “Joğovurd” nəşri yazıb.

Nəşrə görə, iki ilə yaxındır ki, Ermənistan Antikorrupsiyaya Komitəsi bu işi araşdırır, lakin hələ də cinayət işində təqsirləndirilən şəxs yoxdur.

“Ötən gün “Joğovurd” nəşri Ermənistanın Baş Prokurorluğundan işin hansı mərhələdə olduğu ilə maraqlanıb. Cavab olaraq bizə məlumat verildi ki, araşdırma davam edir. Tam olaraq nə baş verdiyi bəlli deyil. Qeyd edək ki, Antikorrupsiya Komitəsi xırda balıqların – rayon icra hakimiyyətinin məsul şəxslərinin, keçmiş polis inspektorunun və digər bu kimi halların arxasınca düşüb, iri balıqlar isə cəzasız üzürlər. Xatırladaq ki, 2021-ci ildə Ermənistanın keçmiş prezidenti Armen Sarkisyanın ikili vətəndaşlıq faktını gizlətməsi ilə bağlı 53 vəkil cinayət haqqında hesabat təqdim edib. Xüsusi İstintaq Xidməti (XİX) vəkillərin şikayət etdiyi cinayət işini açmaqdan imtina edib. Vəkillər Palatasının keçmiş prezidenti Ara Zohrabyan məlumat verib ki, şikayət əsasında Baş Prokurorluq XİX-in qərarını ləğv edib və Cinayət Məcəlləsinin 325-ci maddəsinin 1-ci hissəsinin xüsusiyyətləri ilə cinayət işi açılıb. Bununla belə, faktiki olaraq iş araşdırılmır və Armen Sarkisyan bu müddət ərzində müəmmalı şəkildə istefa verərək Ermənistandan yoxa çıxa bilib”, - deyə nəşr bildirib.

Alpər Mövludoğlu
Ordu.az