Ordu.az xəbər verir ki, bu barədə Ermənistanın “Hayeli” nəşri yazıb.

Nəşrə görə, söhbət Paşinyanın Sankt-Peterburqa səfəri çərçivəsində sosial şəbəkələrdə mümkün variant kimi müzakirə edilən Ermənistanın KTMT-dən çıxmasından gedir.

“Onun məsələn, MDB sammitində Laçın ətrafında vəziyyətin həll olunmayacağı təqdirdə Ermənistanın KTMT-dən çıxacağını elan edə biləcəyi ilə bağlı söz-söhbətlər müzakirə olunub. Budur, Amerika administrasiyası Paşinyana xəbərdarlıq edib, Türkiyə-Azərbaycan tandeminin artan istəklərinə işarə edib, Ermənistanın KTMT-dən çıxacağını bəyan edəcəyi təqdirdə Qərbin Ermənistanı Türkiyə-Azərbaycan birgə ordusundan qoruya bilməyəcəyini açıq şəkildə ifadə edib. Ona görə də Paşinyana “yerində sakit otur” məsləhət görülüb. Bu xəbər Paşinyanın müdafiəçisi olan qərbpərəstlər - Aram Zaven Sarkisyan, Tiqran Xzmalyan, Arman Babacanyan və başqaları arasında demək olar rezonans doğurub. Bu şəxslər Paşinyanı Ermənistanın KTMT-dən çıxması çağırışları ilə “boğurlar”. Vaşinqtonun bu mesajı onlar üçün “soyuq duş” olub, xüsusən də Paşinyan bunu əsas götürərək qərbpərəstləri anti-Rusiya dozasını azaltmağa və bir az sakitləşməyə çağırıb”, - deyə nəşr qeyd edib.

Alpər Mövludoğlu
Ordu.az