KİV: Sudanın hərbi hakimiyyəti ilə müxalifət arasında saziş imzalanıb

2021/09/_1077-1632214206.jpg
Oxunub: 274     15:29     05 Dekabr 2022    
Sudanın hərbi hakimiyyəti ilə ölkənin ən böyük müxalifət koalisiyası olan “Azadlıq və dəyişiklik” arasında iki illik keçid dövrü haqqında saziş imzalanıb.

Ordu.az xəbər verir ki, bu barədə razılaşma sənədinin imzalanması mərasimini canlı yayımlayan “Əl-Hədas” kanalı məlumat yayıb.

Qeyd olunub ki, ölkədəki siyasi böhranın qarşısını almaq üçün razılaşma bu gün paytaxt Xartum şəhərində imzalanıb və əldə olunmuş razılaşmaya əsasən Sudanda yaxın vaxtlarda baş nazir təyin edilməlidir.

Razılaşmanın şərtlərinə əsasən, baş nazir razılaşma sənədini imzalayan vətəndaş təşkilatlarının nümayəndələri sırasından seçilməlidir və hökumət başçısı seçildiyi andan etibarən iki illik keçid dövrü tətbiq ediləcək ki, bu da ümummilli seçki ilə başa çatmalı olacaq.

Əlavə olunub ki, ölkə prezidenti postuna namizəd də mülki şəxslərin sırasından seçiləcək və o ölkənin silahlı qüvvələrinin baş komandanı olacaq.

Ordu.az

© Materiallardan istifadə edərkən hiperlinklə istinad olunmalıdır


Teqlər: Sudan  


Bizi "telegram"da izləyin