Ordu.az xəbər verir ki, Amerikanın 30 ildən artıq müddətdə ilk bombardmançısı olan B-21 “Raider” Pentaqonun Çinlə gələcəkdə mümkün münaqişə ilə bağlı artan narahatlıqlara cavabı hesab olunur.

Proqramın demək olar ki, hər tərəfi gizli saxlanılır. Altıncı nəsil bombardmançı Kaliforniya ştatının Palmdale şəhərindəki hava obyektində təqdim edilməzdən əvvəl dizaynı göstərən yalnız bir neçə çertyoj paylaşılmışdı.


Təyyarənin dizaynını əks etdirən çertyojlarda “Raider”in B-2 “Spirit” bombardmançısına bənzədiyi görünüb.

“Raider”i hazırlayan “Northrop Grumman” şirkətinin baş meneceri Keti Uorden bildirib ki, oxşarlıqlar olsa da, yeni təyyarə B-2 ilə müqayisədə kompüter sistemi təkmilləşdirmələri və proqram təminatına əlavə edilə bilən proqram xüsusiyyətləri baxımından çox inkişaf edib.

Müdafiə mütəxəssisləri yeni nəsil təyyarələrin eksteryerində daha təkmil materiallardan istifadə edildiyini, bu xüsusiyyətin təyyarənin aşkarlanmasını çətinləşdirdiyini, yeni bombardmançı təyyarənin düşmən dövlətlərin radarlarından daha asan yan keçə və başqa obyekt kimi maskalana bildiyini bildirirlər.

Pentaqon bu həftə Çinin illik hesabatında Pekinin 2035-ci ilə qədər 1500 nüvə silahına sahib olmaq yolunda olduğunu açıqlayıb və bildirib ki, Pekinin hipersəs silahları, kibermüharibə və kosmik imkanlar kimi sahələrdə əldə etdiyi nailiyyətlər ABŞ-ın milli təhlükəsizliyi üçün ən konkret və sistemli problemdir.


Qeyd olunur ki, hazırda altı B-21 “Raider” istehsal olunur və ABŞ Hərbi Hava Qüvvələri nüvə və ya adi silahları daşıya bilən, ekipajla və ya ekipajsız uça bilən bu təyyarələrdən 100-ünü inkişaf etdirməyi planlaşdırır.

Həm ABŞ Hərbi Hava Qüvvələri, həm də “Northtrop” bildirir ki, “Raider” müqavilə mərhələsindən irəliləmə mərhələsinə qədər 7 il çəkərək nisbətən tez hazırlanıb. Digər yeni döyüş təyyarələri və gəmi proqramlarının onilliklər alacağı deyilir.

Yeni nəsil bombardmançı təyyarənin qiyməti məlum deyil. Hərbi Hava Qüvvələri 2010-cu ildə bir təyyarənin orta qiymətinin 100 ədəd alışda 550 milyon dollar olduğunu bildirdi.

“Raider” ilk uçuşunu ən tez 2023-cü ildə etməyi planlaşdırır. Bununla belə, “Northtrop Grumman” deyir ki, şirkət “Raider”in performansını qabaqcıl kompüter texnologiyası ilə sınaqdan keçirib.


ABŞ-ın gələcək hava gücünün əsasını təşkil etməsi gözlənilən B-21 “Raider”in bəzi xüsusiyyətləri aşağıdakılardır:

O, yeni nəsil “stels” təyyarə texnologiyasına malikdir və çevik proqram təminatından istifadə edir
Düşmən radarlarından daha asan yayına bilir
Özünü gizlədə bilər
Təkmilləşdirilmiş uzun mənzilli dəqiq zərbə qabiliyyətinə malikdir

ABŞ Hərbi Hava Qüvvələrinin yeni proqrama ən azı 55 milyard dollar xərcləyəcəyi gözlənilir.

Sevinc Əliyeva  
Ordu.az