Mirzoyan həmkarı ilə Kanadanın İrəvanda səfirlik açmasını müzakirə edib

2022/12/6389f-1669989318.jpg
Oxunub: 251     16:36     02 Dekabr 2022    
Ermənistanın XİN rəhbəri Ararat Mirzoyan Polşanın Lodz şəhərində keçirilən ATƏT-in Nazirlər Şurasının 29-cu iclası çərçivəsində Kanada xarici işlər naziri Melani Coli ilə görüşüb.

Ordu.az xəbər verir ki, bu barədə Ermənistanın Xarici İşlər Nazirliyinin mətbuat xidməti məlumat yayıb.

Ermənistan və Kanada XİN rəhbərləri Ermənistan-Kanada qarşılıqlı münasibətlərinin inkişaf etdirilməsi üçün imkanları müzakirə ediblər. Bu kontekstdə Kanadanın İrəvanda səfirlik açmaq barədə qərarı da müzakirə olunub.

XİN rəhbərləri Azərbaycan-Ermənistan münasibətlərinin normallaşdırılmasından irəli gələn məsələləri müzakirə ediblər.

Kanadalı nazir Cənubi Qafqaz regionunda sabitliyin qorunmasında Aİ-nin Ermənistan-Azərbaycan sərhədindəki monitorinq missiyasının rolunu vurğulayıb və missiyanın fəaliyyətini dəstəklədiyini bildirib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Kanada  


Bizi "telegram"da izləyin