Türkiyədə HHM sınaqları və inteqrasiyası üçün mərkəz fəaliyyətə başlayıb

2022/12/1669978234.jpg
Oxunub: 342     15:18     02 Dekabr 2022    
Türkiyədə Hava Hücumundan Müdafiə üçün Sınaq və İnteqrasiya Mərkəzi (HSTEM) fəaliyyətə başlayıb.

Ordu.az xəbər verir ki, 12.000 m2 qapalı sahəsi olan binada Hava Hücumundan və Raket Əleyhinə Müdafiə Layihələrinin kütləvi istehsal ehtiyacları qarşılanacaq.

Mərkəzdə Hava Hücumundan və Raket Əleyhinə Müdafiə Layihələrinin inkişafı və kütləvi istehsalı, inteqrasiya, sınaq və yoxlama fəaliyyətlərinin effektiv icrası üçün müvafiq infrastrukturlar qurulub.

Mərkəz ümumilikdə iki hissədən ibarətdir: Sistem İstehsalı və İnteqrasiya Binası və Test İdarəetmə Mərkəzi.

Obyekt bütün test fəaliyyətlərinin planlaşdırılması, koordinasiyası, uzaqdan idarə edilməsi, sınaqlar zamanı/sonrası əldə edilən məlumatların qeydə alınması, təhlili və qiymətləndirilməsi üçün istifadə olunacaq.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   HHM   Mərkəz  


Bizi "telegram"da izləyin