Polşa Almaniyadan “Patriot” HHM sisteminin Ukraynaya yerləşdirilməsini istəyib

2022/11/Patri-1669805858.jpg
Oxunub: 303     20:20     30 Noyabr 2022    
Noyabrın 15-də Polşanın Ukrayna ilə sərhədində yerləşən Prjevodov kəndinə raket düşüb və insident dinc əhalinin tələfatı ilə nəticələnib. Raketin ilk olaraq Rusiya Federasiyası tərəfindən buraxıldığı iddia edilsə də, sonradan onun Ukraynanın S-300 Hava Hücumundan Müdafiə (HHM) sistemi batareyasına aid olduğu ortaya çıxıb.

Almaniya hava məkanını qorumaq üçün Polşaya “Eurofighter” döyüş təyyarələri və “Patriot” HHM sistemi ilə dəstək verməyi təklif edib. Bunun üzərinə rəsmi Varşava Polşa əvəzinə Ukraynaya “Patriot”ların göndərilməsini təklif edib.

Polşanın baş naziri Mateusz Moravieski jurnalistlərə verdiyi açıqlamada Almaniyanın Ukraynaya “Patriot” sistemləri vermədiyi təqdirdə ölkəsinin bunu qəbul edə biləcəyini bildirib.

Almaniyanın müdafiə naziri Kristin Lambrext Polşanın hava hücumundan müdafiəsi üçün təklif etdikləri “Patriot” sistemlərinin NATO regionunun hava hücumundan müdafiə sisteminin bir hissəsi olduğunu bildirib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Polşa   Patriot  


Bizi "telegram"da izləyin