Xəsarət alan 7 erməni hərbi qulluqçudan 5-i xəstəxanadan buraxılıb

2022/11/timth-1669717334.jpg
Oxunub: 206     14:21     29 Noyabr 2022    
Ermənistan Müdafiə Nazirliyinin balansında olan “Kamaz”ın aşması nəticəsində xəsarət alan 7 erməni hərbi qulluqçudan 5-i xəstəxanadan buraxılıb.

Ordu.az xəbər verir ki, bu barədə Ermənistan Müdafiə Nazirliyinin mətbuat katibi Aram Torosyan bildirib.

Onun sözlərinə görə, digər iki erməni hərbi qulluqçu sağalmaq üzrədir.

Torosyan onu da bildirib ki, noyabrın 9-u və 23-də Ermənistan-Azərbaycan sərhəd zolağının şərq hissəsində yaralanan erməni hərbi qulluqçuların vəziyyəti stabildir, onlar da bərpa mərhələsindədirlər.

Xatırladaq ki, noyabrın 16-da Göyçə vilayətinin Basarkeçər icması ərazisində Ermənistan Müdafiə Nazirliyinin balasında olan “Kamaz” markalı yük maşını aşıb. Qəza nəticəsində zabit hazırlığı kursunun iştirakçısı 22 yaşlı Qriqor Qriqoryan ölüb, 7 erməni hərbi qulluqçu yaralanıb.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Qəza   Yaralı  


Bizi "telegram"da izləyin