ASELSAN yeni insansız zirehli quru platforması hazırlayacaq

2022/11/ACV-1-1669461776.jpg
Oxunub: 367     16:06     26 Noyabr 2022    
Türkiyənin ASELSAN şirkəti zirehli döyüş maşınlarının modernləşdirilməsi layihəsi çərçivəsində insansız zirehli quru platforması hazırlayacaq.

Ordu.az xəbər verir ki, bu barədə Türkiyə Müdafiə Sənayesi Komitəsi tərəfindən təşkil edilən Quru Sistemləri Seminarında məlumat verilib.

Layihə çərçivəsində zirehli platforma uzaqdan və avtonom idarəetmə qabiliyyəti ilə təchiz ediləcək. Bundan əlavə, “Nefer” silah sistemi texnikaya inteqrasiya olunacaq.

Platformada avtonom patrul, yol və ərazinin aşkarlanması, dinamik marşrut planlaması, GPS olmadığı halda avtonom hərəkət, əlaqə itən zaman bazaya qayıdış, gündüz və termal kamera, insan və nəqliyyat vasitəsinin aşkarlanması kimi funksiyalar olacaq.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   ASELSAN  


Bizi "telegram"da izləyin