“Bir tərəfdən özümüzü “demokratiya qalası” kimi təqdim edirik, digər tərəfdən isə antidemokratik rejimlərə səs veririk” - Vardanyan

2022/11/1669451039.jpg
Oxunub: 370     12:11     26 Noyabr 2022    
BMT-nin İnsan Haqları Şurası Cenevrədə keçirilən iclasında İrandan son nümayişlər və qətllərin beynəlxalq təhqiqatına imkan yaratmağı tələb edib. Almaniyanın təklifinin lehinə 25 nümayəndə səs verib, 6 ölkə əleyhinə səs verib, 16 ölkə isə bitərəf qalıb.

Ermənistan, Pakistan, Kuba, Venesuela, Eritreya və Çin qətnamənin əleyhinə səs verib. Boliviya, Braziliya, Kamerun, Kot-d'İvuar, Hindistan, İndoneziya, Qazaxıstan, Malavi, Malayziya, Mavritaniya, Namibiya, Qətər, Seneqal, Sudan, Birləşmiş Ərəb Əmirlikləri və Özbəkistan bitərəf qalıb.

Erməni iranşünas Armen Vardanyanın sözlərinə görə, Ermənistan o qədər çətin vəziyyətdədir ki, çox vaxt öz prinsiplərinə zidd gedərək BMT və ya digər beynəlxalq strukturlarda İran və ya Rusiya əleyhinə qəbul edilən qətnamələrə qarşı çıxmır.

“Bizim çətin və ağır vəziyyətimizin səbəbi də budur. Ermənistan qonşuları ilə problem yaşamaq istəmir. Biz bir tərəfdən özümüzü “demokratiya adası”, regionda “demokratiya qalası” kimi təqdim edirik, digər tərəfdən isə antidemokratik rejimlərə səs veririk ki, bu da cəfəngiyyatdır”, - deyə Vardanyan qeyd edib.

Erməni iranşünas bildirib ki, Ermənistanın Rusiyaya qarşı qətnamələrlə bağlı mövqeyi bir qədər yumşalıb.

Vardanyan qeyd edib ki, Ermənistanın xarici siyasət idarəsi yanlış hesablama aparıb.

“Daha yaxşı olardı ki, biz bitərəf qalaq və ya ümumiyyətlə səsvermədə iştirak etməyək. Bu səsvermənin qlobal mənfi nəticələri olmayacaq, lakin mənfi rəyin yaradılması narahatlıq doğurur”, - deyə o əlavə edib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   İran  


Bizi "telegram"da izləyin