Tokayev prezident seçildikdən sonra ilk xarici səfərini Rusiyaya edəcək

2022/06/62aca-1655484384.jpg
Oxunub: 173     15:43     25 Noyabr 2022    
Kasım-Jomart Tokayev yenidən Qazaxıstan Prezidenti seçildikdən sonra ilk səfərini Rusiyaya edəcək.

Ordu.az xəbər verir ki, bu barədə Kremlin mətbuat katibi Dmitri Peksov bildirib. O, səfərin noyabrın 28-də baş tutacağını və Tokayevin Moskvada Rusiya Prezidenti Vladimir Putinlə danışıqlar aparacağını açıqlayıb.

"Həqiqətən də, Qazaxıstan Prezidenti Kasım-Jomart Tokayev bazar ertəsi Rusiya Federasiyasına rəsmi səfər edəcək, bu, onun dövlət başçısı kimi yenidən seçilməsindən sonra ilk xarici səfəri olacaq", - deyə Kremlin sözçüsü vurğulayıb.

Peskov əlavə edib ki, Putin və Tokayev Orenburqda keçiriləcək Rusiya və Qazaxıstanın regionlararası əməkdaşlıq forumunun iştirakçılarına videokonfrans vasitəsilə müraciət edəcəklər: “Onlar işçi səhər yeməyi formatında ünsiyyəti davam etdirəcək, sənədlər imzalayacaqlar, ona görə də bu, bizim üçün və ikitərəfli Rusiya-Qazaxıstan münasibətləri üçün tam miqyaslı, çox vacib səfər olacaq”, deyə Putinin mətbuat katibi yekunlaşdırıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: Qazaxıstan  


Bizi "telegram"da izləyin