Erməni deputat: “KTMT-nin yardım sənədini imzalamaqdan imtinanın Ermənistan üçün nəticələri olacaq”

2022/03/captu-1646823391.jpg
Oxunub: 223     15:45     25 Noyabr 2022    
“Ermənistanın KTMT-nin yardım sənədini imzalamaqdan imtina etməsi müxtəlif nəticələrə gətirib çıxara bilər”.

Ordu.az xəbər verir ki, bunu Ermənistan parlamentinin deputatı, Respublikaçılar Partiyasının üzvü Hayk Mamicanyan jurnalistlərlə söhbətində deyib.

O, Ermənistanda vəziyyətin bundan sonra da pisləşəcəyinə əminliyini ifadə edib.

Mamicanyan xatırladıb ki, 2016-cı ilin oktyabrında Ermənistan yenidən KTMT-yə sədrlik edərkən, hərbi əməliyyatlardan bir neçə ay sonra da təşkilatın iclası keçirilib.

Onun sözlərinə görə, həmin vaxt KTMT-nin birgə bəyanatı qəbul edilib.

“Üstəlik, o vaxtdan bəri Rusiya və Belarus liderləri dəyişməyib, Qazaxıstan prezidenti isə Nazarbayev olub. Bəyanatda “xalqların öz müqəddəratını təyinetmə hüququ”ndan, Vyana və Sankt-Peterburq müqavilələrinin əhəmiyyətindən açıq-aydın danışılıb, bir sıra başqa ermənipərəst məqamlar da var idi. Üstəlik, söhbət Ermənistan ərazisindən yox, Qarabağ ərazisindən gedirdi. Yəni problem KTMT-də, yoxsa Ermənistan rəsmilərindədir? Bəlkə də KTMT-nin baş katibini geri çağırmadan və ya dəyişmədən siyasi motivlərlə cinayət təqibi başlatmağa dəyməzdi”, - deyə Mamicanyan bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: KTMT   Ermənistan  


Bizi "telegram"da izləyin