Paşinyan Arayiki “təhvil” vermək niyyətində deyil – Seperatçılar arasında nə baş verir?

2022/06/1654250038.jpg
Oxunub: 377     16:55     24 Noyabr 2022    
Arayik Harutyunyan ötən gün “parlamentin sədri”nə (qondarma qurum – red.) müraciət edərək “konstitusiyaya dəyişiklik layihəsi”ni dövriyyədən çıxararaq geri qaytarmağı xahiş edib.

Ordu.az xəbər verir ki, bu barədə Ermənistanın “Past” nəşri yazıb.

Nəşrə görə, belə bir “qərar”ın qəbul edilməsinə səbəb “konstitusiya dəyişikliyinin icrası” zamanı verilən müxtəlif “siyasi qiymətlər”, eləcə də ictimaiyyət arasında “layihə” ilə bağlı olan, “daxili parçalanma” və gərginlik üçün növbəti səbəb ola biləcək mənfi reaksiyalar ola bilər.

“Əslində, Qarabağda olan mənbələrinizə görə, problemin daha dərin səbəbləri var və Harutyunyanın qərarı, yumşaq desək, o qədər də “müstəqil” deyil. Məsələ burasındadır ki, dəyişikliklər “prezident sistemi”ndən “yarı-prezident idarəetmə sistemi”nə keçidi nəzərdə tuturdu və bundan sonra Arayik Harutyunyan gedəcəkdi, “hakimiyyət” isə Ruben Vardanyana keçəcəkdi. Bu, “bəzi dairələr”ə sərf etmir. Qarabağda iki halın olduğuna əmindirlər: ya Nikol Paşinyan “hakimiyyət”in Vardanyana keçməməsi üçün Harutyunyanı “konstitusiyaya dəyişiklik layihəsi”ni geri götürməyə məcbur edib, ya da bu, İlham Əliyevin faktiki təzyiqi ilə edilib ki, Qarabağdan danışıq aparan şəxs Ruben Vardanyan olmasın”, - deyə nəşr bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Qarabağ   Paşinyan  


Bizi "telegram"da izləyin