Rusiya yeni regionların birləşdirilməsi ilə bağlı Konstitusiyaya düzəliş edəcək

2022/03/12123-1648303604.jpg
Oxunub: 334     12:22     04 Oktyabr 2022    
Ukraynanın Donetsk, Luqansk, Xerson və Zaporojye vilayətlərinin Rusiya Federasiyasının tərkibinə qəbul edilməsi proseduru Prezident Vladimir Putinin müvafiq fərmanı əsasında Rusiya Konstitusiyasına düzəlişlərlə başa çatacaq.

Ordu.az xəbər verir ki, bunu Rusiya Federasiya Şurasının konstitusiya qanunvericiliyi və dövlət quruculuğu komitəsinin sədri Andrey Klişas bildirib.

Qeyd edək ki, bu gün Federasiya Şurası Ukraynanın dörd regionun Rusiyaya birləşdirilməsi barədə müqavilələri ratifikasiya edib.

Rusiya Parlamentinin yuxarı palatası eyni zamanda, “Donetsk və Luqansk Xalq Respublikaları”nın, Xerson və Zaporojye vilayətinin Rusiya Federasiyasının tərkibinə daxil olması haqqında konstitusiya qanununu da qəbul edib. Konstitusiya qanununa görə, Donetsk və Luqansk “respublika” statusunda, Xerson və Zaporojye isə “vilayət” statusunda Rusiyanın tərkibinə daxil olurlar.

Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Ukrayna  


Bizi "telegram"da izləyin