Rusiyanın Polşadakı səfiri XİN-ə çağırılıb

2022/10/1664779125.jpg
Oxunub: 356     10:36     03 Oktyabr 2022    
Rusiya Federasiyasının Polşadakı səfiri Sergey Andreyev “DXR”, “LXR”, Zaporojye ve Xerson vilayətlərinin Rusiyaya birləşdirilməsi ilə bağlı XİN-ə çağırılıb.

Ordu.az TASS-a istinadən xəbər verir ki, bunu Polşa xarici işlər nazirinin müavini Marçin Pşidaç TVN24 kanalının efirində deyib.

O həmçinin qeyd edib ki, görüş əsnasında Polşa tərəfi Rusiyanın Ukraynaya aid 4 regionu özünə birləşdirməsinə etirazını və bu qərarı müsbət qarşılamadığını bildirəcək.

Pşidaç Rusiya ilə münasibətlər haqda danışarkən deyib: “Rusiya ilə münasibətlər dondurulub, hər hansı bir diplomatik əlaqə yoxdur, mən və yaxud ölkənin xarici işlər naziri tərəfindən səfirin XİN-ə çağırılması xaric, heç bir görüş keçirilmir. Belə görüşlərdən biri də bu gün keçiriləcək. Rusiyanın atdığı addımlarla bağlı və 4 regionda keçirdiyi “referendum”larla əlaqədar olaraq bu ölkənin səfiri Andreyev yerli vaxtla saat 11:00-da XİN-ə çağırılıb”.

Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Polşa  


Bizi "telegram"da izləyin