İranın 44 günlük müharibə zamanı Azərbaycan əleyhinə plan hazırladığı ortaya çıxıb

2021/05/1-1622102750.jpg
Oxunub: 11084     21:54     27 Sentyabr 2022    
“Ermənistan ictimaiyyəti 44 günlük müharibə dövründə İranın hansı təkliflər etdiyini və Paşinyanın hansıları nəzərə almadığını bilsə, şoka düşəcək”.

Ordu.az xəbər verir ki, bunu erməni politoloq Stepan Danielyan deyib.

Onun sözlərinə görə, bu təkliflərin qəbulu müharibənin mahiyyəti və nəticəsini dəyişə bilərdi.

“Paşinyan niyə təkliflərdən imtina etdi?”, - S.Danielyan öz-özünə sual verir. Ardınca isə mümkün səbəb kimi ABŞ-ın mövqeyini irəli sürüb.

“Con Bolton (ABŞ prezidentinin keçmiş milli təhlükəsizlik müşaviri - red.) 2018-ci ildə Ermənistana səfəri zamanı İran sərhədinin bağlanmasını qarşısına vəzifə kimi qoyub. O, erməniləri stereotiplərdən əl çəkməyə çağırıb və bildirib ki, ABŞ Ermənistanın və ermənilərin Türkiyəyə münasibəti ilə maraqlanır. Yəni, bu, onlar üçün vacibdir. Bolton Ermənistanda hakimiyyətə gəlişini dəstəkləmək üçün indiki hakim rejimin ödəməli olduğu nəticəni göstərib. Bu, 2018-ci ildə hakimiyyət dəyişikliyi zamanı olan şərt idi”, - S.Danielyan əlavə edib.

Ordu.az

© Materiallardan istifadə edərkən hiperlinklə istinad olunmalıdır


Teqlər: İran   Ermənistan  


Bizi "telegram"da izləyin