Ermənistan hakimiyyətinin adları açıqlanmaması hərbçilərin hüquqları ilə məşğul olan hüquq müdafiəçiləri tərəfindən hörmətsiz və laqeyd münasibətlə tənqid olunur. Tənqidlərə baxmayaraq, Ermənistan Müdafiə Nazirliyi onların adlarını niyə açıqlamaması ilə bağlı heç bir əsas vermir.

Erməni hüquq müdafiəçisi Janna Aaleksanyan bildirib ki, 30 hərbçinin valideyni oğullarından xəbər almaq ümidi ilə 7 gündən artıqdır ki, Gorus hərbi hissəsinin yaxınlığında qalırlar.

“Polis bölməsinin divarları altında vaxt keçirən valideynlər oğullarının harada olması ilə bağlı məlumat istəyirlər, lakin onlara cavab verən yoxdur”, - deyə hüquq müdafiəçisi bildirib.

Erməni politoloq Armen Hovhannisyan hesab edir ki, idarələr tam məlumatı olmadığı üçün adları dərc etmirlər. Lakin onun fikrincə, Ermənistan Müdafiə Nazirliyi hazırda dəqiq olan məlumatları dərc etməlidir.

“Müdafiə Nazirliyi dərc etməyə borcludur, bu, dövlət və ya hərbi sirr deyil, özləri dərc etməlidirlər. Qoy desinlər ki, biz bu 150 nəfərin taleyini 100 faiz bilirik, bu qədər, heç olmasa aydın olsun”, - deyə politoloq bildirib.

Erməni hüquq müdafiəçisi Nina Karapetyants hakimiyyətin bu davranışında heç bir məntiqli izahat görmür.

“Əgər onun bir hissəsi müharibə zamanı çap olunubsa, mən onu çap etməməyin məntiqini başa düşə bilmirəm. Bu vəziyyət əvvəlkindən nə ilə fərqlənir?”, - deyə o qeyd edib.

Alpər Mövludoğlu
Ordu.az