BMT Baş Assambleyası 77-ci sessiyasının prezidenti Azərbaycana təşəkkür edib

2022/09/1663909119.jpg
Oxunub: 266     04:38     23 Sentyabr 2022    
BMT Baş Assambleyasının 77-ci sessiyasının prezidenti Tsaba Körösi Azərbaycana Qoşulmama Hərəkatına sədr kimi aktiv liderliyinə görə təşəkkür edib.

Bu barədə Ordu.az Tsaba Körösinin tviter hesabına istinadən xəbər verir.

O, qeyd edib ki, Birləşmiş Millətlər Təşkilatı (BMT) 77-ci Baş Assambleyasında iştirak üçün ABŞ-ın Nyu York şəhərində səfərdə olan Azərbaycanın xarici işlər naziri Ceyhun Bayramovla görüşüb.

Tsaba Körösi Azərbaycana Qoşulmama Hərəkatına sədr kimi aktiv liderliyinə görə minnətdarlığını bildirib.

BMT Baş Assambleyasının 77-ci sessiyasının prezidenti həmçinin qeyd edib ki, görüşdə regionda və ondan kənarda sülh, təhlükəsizlik, ərzaq və enerji məsələləri müzakirə edilib.

Ordu.az

© Materiallardan istifadə edərkən hiperlinklə istinad olunmalıdır


Teqlər: BMT   Azərbaycan  


Bizi "telegram"da izləyin