Ordu.az xəbər verir ki, bu barədə Türkiyənin daxili işlər naziri Süleyman Soylu məlumat verib.

O, katerlərin Sahil Mühafizə Komandanlığına və Dəniz Polisinə təhvil verildiyini açıqlayıb.

“Sahil Mühafizə Komandanlığımız üçün 107 və polis qruplarımız üçün 57 olmaqla cəmi 164 kater təhvil verilib. Ümid edirəm ki, bir çox xüsusiyyətləri olan katerlər həm ölkəmizə, həm də millətimizə xeyir verəcək”, - deyə nazir bildirib.

Bundan əvvəl Türkiyənin Sahil Mühafizə Komandanlığına yerli istehsal “Uçbey” PUA-ları təhvil verilib. Buludaltı hündürlükdə fəaliyyət göstərən PUA-lar Komandanlığın axtarış-xilasetmə işlərinə dəstək verəcək.

Sevinc Əliyeva 
Ordu.az