İranın ISNA agentliyinin məlumatına görə, İran prezidentinin aparat rəhbəri Məhəmməd Cəmşid Ermənistanın baş naziri ilə İran prezidenti arasında son telefon danışığı barədə məlumat verib. O bildirib ki, Rəisi Nikol Paşinyanla söhbətində İran ilə Ermənistan sərhədinin nəyin bahasına olursa-olsun qorunub saxlanmalı olduğunu vurğulayıb.

Sözün özü narahatedicidir, çünki “nəyin bahasına olursa-olsun” ifadəsi hazırkı çağırış və ya risk qarşısında sadəcə olaraq Ermənistan-İran sərhədinin adi prosedurla saxlanmasının kifayət etmədiyini göstərir.

İranın narahatlığı heç də Ermənistan üçün eyni narahatlığı ifadə etmir. İrəvan Rusiyanın Ermənistan-İran sərhədi ilə bağlı açıqlamasına reaksiya verməyib.

Tehranın son bir neçə gündə müxtəlif səviyyələrdə bir-birinin ardınca Ermənistan-İran sərhədi ilə bağlı narahatedici bəyanatlar verməsinin səbəbi nədir? Niyə bu bəyanatlar intensivləşib. Artıq Ermənistanın özü də bunu başa düşmür, yəni Tehran Zəngəzura iddia etməyə başlayıb?

Aqil Məmmədov
Ordu.az