Azərbaycan XİN rəhbəri: "Zəngəzur dəhlizi Ermənistanın öhdəliklərindən biridir"

2021/12/89089-1639730832.jpg
Oxunub: 671     18:27     09 Avqust 2022    
Zəngəzur dəhlizi Ermənistanın öhdəliklərindən biridir.

Ordu.az xəbər verir ki, bunu Ankarada Türkiyə KİV-ə müsahibəsində Azərbaycanın xarici işlər naziri Ceyhun Bayramov deyib.

O qeyd edib ki, Ermənistan bunu şifahi olaraq qəbul edir, lakin praktikada ləngidir.

Nazir, müxtəlif bəhanələrlə Ermənistan-Azərbaycan əlaqələrinin normallaşmasına zərər verməyin heç kəsə faydası olmadığını vurğulayıb.

Ceyhun Bayramov müzakirələrə paralel olaraq Azərbaycan ərazisində Ermənistanla sərhədə qədər həm quru, həm də dəmir yollarının inşasının müvəffəqiyyətlə davam etdirildiyini, işlərin 50 faizdən çoxunun tamamlandığını qeyd edib. XİN rəhbəri əlavə edib ki, 2023-cü ildə Azərbaycan öz ərazisində bu işləri tamamlayacaq.

Ceyhun Bayramov qeyd edib ki, Ermənistan tərəfindən prosesin ləngidilməsini nəzərə alaraq, Azərbaycan eyni zamanda, İranla memorandum çərçivəsində Araz çayı üzərində iki körpünün inşasına başlayıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: Azərbaycan   XİN   Zəngəzur  


Bizi "telegram"da izləyin