Ukraynadan taxıl daşıyan ilk gəmi Türkiyəyə yola düşüb

2022/08/1659511023.jpg
Oxunub: 370     08:35     06 Avqust 2022    
Ukraynadan taxıl daşıyan ilk gəmi Odessadan Türkiyəyə yola düşüb.

Ordu.az xəbər verir ki, Birgə Koordinasiya Mərkəzinin nümayəndələrinin yoxlamasından sonra Barbados bayrağı altında “Fulmar S” quru yük gəmisi Ukraynanın Çernomorsk limanına doğru hərəkət edib.

Türkiyə, Rusiya Federasiyası, Ukrayna və BMT nümayəndələrinin iştirakı ilə Kilyos ərazisi sahillərində yoxlama təxminən 1,5 saat davam edib.

Qeyd edək ki, iyulun 22-də İstanbulda Türkiyə Prezidenti Rəcəb Tayyib Ərdoğan və BMT-nin baş katibi Antoniu Quterreşin iştirakı ilə Ukrayna limanlarından taxılın təhlükəsiz daşınmasına dair saziş imzalanıb. Sənədi Ukrayna, Rusiya, BMT və Türkiyə nümayəndələri imzalayıblar.

Son bir neçə gündə qarğıdalı yükü olan dörd gəmi Odessa limanlarından “taxıl dəhlizi” ilə hərəkət edib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ukrayna   Rusiya  


Bizi "telegram"da izləyin