Erməni politoloqlar: “Aİ-yə hansı dövlətin sədrlik edəcəyi yox, Ermənistanın necə işləyəcəyi vacibdir”

2022/07/l-0Mc-3314029276.jpg
Oxunub: 448     16:18     07 İyul 2022    
İyulun 1-dən Çexiya Avropa İttifaqına sədrlik etməyə başlayıb və bu sədrlik Fransa tərəfindən Çexiyaya verilib. Praqa bu vəzifəni 6 ay müddətində Aİ-in Rusiya-Ukrayna müharibəsi nəticəsində yaranan enerji və ərzaq da daxil olmaqla bir çox problemlərlə üzləşdiyi çətin bir dövrdə qəbul edir. Çexiya sonuncu dəfə 2004-cü ildə, üzvlüyünün birinci ilində Aİ-yə sədrlik edib.

Ordu.az-ın məlumatına görə, rrməni politoloq Ruben Mehrabyan qeyd edib ki, Fransanın sədrliyinin Çexiyaya keçməsi Avropada ən dramatik hadisələrə təsadüf edib.

“Təbii ki, bu, Ukrayna müharibəsi idi. Bu mənada biz görürük ki, nəticədə Avropa dəyərlərinə və onların qorunması imperativinə əsaslanan fundamental məsələlərdə Avropa İttifaqının vahid mövqeyini əldə etdik. Fransanın Avropa İttifaqına sədrliyi uğurlu sayılmalıdır”, - deyə o bildirib.

Digər bir erməni politoloq Andrias Qukasyan bildirib ki, əvvəlki 6 ay ərzində Ermənistanla Avropa İttifaqı arasında imzalanmış sazişin həyata keçirilməsində görünən nəticələr olmayıb.

“Mən hesab etmirəm ki, bu, Avropa İttifaqının prezidentinin kim olması ilə bağlı deyil, top daha çox Ermənistanın meydanındadır”, - deyə o vurğulayıb.

Qukasyan əlavə edib ki, Aİ-yə hansı dövlətin sədrlik edəcəyi yox, Ermənistanın necə işləyəcəyi vacibdir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər:   Ermənistan  


Bizi "telegram"da izləyin