"NATO ölkələri Finlandiya və İsveçi iyunun 29-da alyansa rəsmən dəvət edəcək" - Stoltenberq

2022/04/sdf44-1648999738.jpg
Oxunub: 451     00:08     29 İyun 2022    
NATO ölkələri rəsmi olaraq Finlandiya və İsveçi alyansa qoşulmağa dəvət edəcəklər, lakin giriş prosesinin özü daha uzun çəkəcək.

Ordu.az xəbər verir ki, bu barədə NATO-nun baş katibi Yens Stoltenberq bildirib.

"Sabah alyansın liderləri Finlandiya və İsveçi üzv olmağa dəvət etmək barədə qərar qəbul edəcəklər. Bu sammitdən sonra onlar dəvətli [ölkələr] olacaqlar, sonra bütün paytaxtlarda ratifikasiya prosesi başlayacaq, lakin mən bu gün imzalanmış üçtərəfli anlaşma memorandumuna tam əminəm", - deyə Y.Stoltenberq qeyd edib.

Y.Stoltenberq bildirib ki, Türkiyə, İsveç və Finlandiya nümayəndə heyətləri Madriddə keçirilən görüşdən sonra Türkiyənin təhlükəsizlik tələblərini nəzərə alan saziş imzalayıblar və indi Ankara bu ölkələrin alyansa daxil olmasına dəstək verməyə hazırdır

Onun sözlərinə görə, Finlandiya və İsveç terrorda ittiham olunan şəxslərin ekstradisiyasında Türkiyə ilə işləməyə hazırdır.

Ordu.az

© Materiallardan istifadə edərkən hiperlinklə istinad olunmalıdır


Teqlər: Stoltenberq   NATO  


Bizi "telegram"da izləyin