Ukrayna kəşfiyyatı: Rusiya raket ehtiyatlarının 60%-ni istifadə edib

2022/03/1646230325.jpg
Oxunub: 448     10:56     10 İyun 2022    
Ukraynada indi artilleriya müharibəsidir və hər şey Qərbin bizə nə verməsindən asılıdır.

Ordu.az xəbər verir ki, bunu Ukrayna hərbi kəşfiyyat xidmətinin rəis müavini Vadim Skibitski “Guardian”a açıqlamasında deyib.

O bildirib ki, Ukrayna cəbhə xəttində artilleriya baxımından Rusiyaya qarşı uduzur və indi Rusiyanı uzaqda saxlamaq üçün yalnız Qərbin tədarük etdiyi silahlara arxalanır.

Vadim Skibitski müharibənin gələcəyinin döyüş meydanında müəyyənləşəcəyini qeyd edib.

O, Rusiyanın hər 10-15 artilleriya vasitəsinə qarşılıq Ukraynanın yalnız 1 artilleriya vasitəsi olduğunu vurğulayıb: “Biz demək olar ki, bütün artilleriya sursatımızı istifadə etmişik və indi NATO standartındakı 155 millimetrlik mərmilərdən istifadə edirik”.

Skibitski Ukraynanın gündəlik 5-6 min artilleriya atəşi açdığını və münaqişənin əsasən artilleriya müharibəsi olaraq qalacağını deyib.

O əlavə edib ki, raket ehtiyatları tükənməkdə olan Rusiya sovet istehsalı köhnə sistemlərin istifadəsinə keçib: “Biz Rusiyanın daha az raket hücumları etdiyini və H-22 raketlərindən də istifadə etdiyini müşahidə edirik. Onlar isə 1970-ci illərin köhnə sovet raketləridir. Bu Rusiyanın raket ehtiyatının tükəndiyini göstərir”.

Skibitski sanksiyalar səbəbi ilə Rusiyanın istifadə etdiyi raketlərin yerini doldurmaqda çətinlik çəkdiyini və artıq raket ehtiyatlarının təxminən 60%-ni istifadə etdiyini qeyd edib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ukrayna   Rusiya  


Bizi "telegram"da izləyin