“Akıncı” PUA-larının satıldığı ölkələrin sayı 3-ə çatıb

2022/05/Akinc-1653299478.jpg
Oxunub: 805     14:32     23 May 2022    
Türkiyənin “Baykar” şirkəti tərəfindən istehsal edilən “Akıncı” zərbə tipli PUA-ların satıldığı ölkələrin sayı 3-ə çatıb

Ordu.az xəbər verir ki, bu barədə şirkətin PUA ilə bağlı yaydığı mətbuat bülletenində məlumat verilib.

İxrac edilən ölkələrin adları və neçə sistem aldıqları açıqlanmayıb. PUA-larla yanaşı MAM raket ailəsi, KGK, HGK, LGK kimi sursatlar da satılıb.

Müqavilələr çərçivəsində “Akıncı” PUA-larının və yerüstü idarəetmə stansiyalarının 2023-cü ildən etibarən dövri olaraq təhvil verilməsi gözlənilir.

İlk milli PUA ixracını 2012-ci ildə reallaşdıran “Baykar” 2021-ci ildə 664 milyon dollarlıq PUA ixracını tamamlayıb, gəlirlərinin 80%-dən çoxunu ixracatdan əldə edib.

“Akıncı” PUA-ları yerli və milli olaraq istehsal edilən MAM-L, MAM-C, “Cirit”, L-UMTAS, “Bozok”, MK-81, MK-82, MK-83 (KGK), MK-82, “Gökdoğan”, “Bozdoğan”, SOM-A kimi sursat, raket və bombalarla təchiz ediləcək.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Akıncı   PUA  


Bizi "telegram"da izləyin