Belarus Ukrayna ilə sərhədə “Toçka-U” və “Smerç” raket sistemləri yerləşdirib

2020/09/15953-1601469823.jpg
Oxunub: 544     14:29     21 May 2022    
Belarus Ukrayna ilə sərhəddə yerləşən poliqonlarda “Toçka-U” taktiki raket kompleksləri və “Smerç” yaylım atəş reaktiv sistemləri yerləşdirib.

Ordu.az xəbər verir ki, bu barədə Ukrayna Silahlı Qüvvələri Baş Qərargahının “Facebook” səhifəsində məlumat verilib.

Qeyd olunur ki, Volın və Polesye istiqamətlərində Belarus Respublikası silahlı qüvvələrinin bölmələri Ukrayna-Belarus sərhədinin bir hissəsini əhatə etmək üçün növbəlilik əsasında tapşırıqları yerinə yetirirlər.

Bundan əlavə, iyunun 22-dən iyulun 1-dək Qomel vilayətində hərbi xidmətə cəlb olunanların iştirakı ilə təlim-məşq toplanışlarının keçirilməsi nəzərdə tutulur.

“Belarus Respublikası ərazisindən raket və bomba hücumları və artilleriya atəşi təhlükəsi hələ də aradan qalxmayıb”, - deyə məlumatda bildirilir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Belarus   Ukrayna  


Bizi "telegram"da izləyin