“Hraparak”: Paşinyanın Zəngəzurun qan axıdılmadan boşaldılması planı

2021/02/7c395-1612261496.jpg
Oxunub: 818     16:54     23 May 2022    
Ötən il baş tutan növbədənkənar seçkidən əvvəl Ermənistan hakimiyyətinin diqqəti Zəngəzurda idisə, nəyin bahasına olursa-olsun həmin bölgədə yüksək nəticə əldə etməyə çalışırdısa, seçkilərdən sonra Paşinyan dəfələrlə sübut edib ki, təkcə Qarabağ deyil, hətta Zəngəzur səhifəsi də onun üçün bağlanıb.

Ordu.az xəbər verir ki, bu barədə Ermənistanın “Hraparak” nəşri yazıb.

Nəşr qeyd edib ki, Paşinyan inanılmaz qisasçı məxluq kimi Zəngəzur sakinlərinin üsyanını heç vaxt bağışlamayacaq və onları “cəzalandıracaq”.

“Hakimiyyətin xırdalığının ən bariz sübutlarından biri budur ki, Paşinyan müharibədə məğlub olandan həftələr sonra Zəngəzura gedəndə, lakin Qarakilsədən o tərəfə keçə bilməyəndə İrəvana qayıdıb, Zəngəzur əhalisini qorxutmaq üçün onlarla yol polisi göndərməyi əmr edib. Təkzibedilməz məlumatlara görə, Zəngəzur bölgəsində azərbaycanlılar və türklər üçüncü ölkə vətəndaşları və təşkilatları adından torpaqlar alırlar. Bölgənin iqtisadi potensialı tamamilə tükənib, üç aparıcı sahə olan turizm, kənd təsərrüfatı və mədən sənayesi tənəzzül vəziyyətindədir. Turizmin həcmi xeyli azalıb, kənd təsərrüfatı torpaqlarının 80%-ə yaxını bilavasitə rəqibin nişangahı altın düşüb, mədən nəhəngi olan Zəngəzur Mis-Molibden Kombinatı ətrafında dövlət maxinasiyası göz qabağındadır. Hökumət zavodunun ortaq sahibi olmaq Paşinyan hakimiyyətinin ən böyük korrupsiya sxemlərindən biridir və bununla bağlı ciddi araşdırmaya ehtiyac var”, - deyə nəşr bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Paşinyan   Zəngəzur  


Bizi "telegram"da izləyin