Ukrayna rəsmisi: "Azovstal”dan 60 nəfərin təxliyə olunması ilə bağlı danışıqlar aparırıq"

2022/04/789d7-1651162133.jpg
Oxunub: 264     14:04     14 May 2022    
“Ukrayna “Azovstal”dan 60 nəfərin təxliyə olunması ilə bağlı danışıqlar aparır”.

Ordu.az xəbər verir ki, bunu ölkə Baş nazirin müavini, reinteqrasiya naziri İrina Vereşuk deyib.

“Orada bir neçə yüz yaralı var. Onları xilas etmək lazımdır. Çünki Rusiya tərəfi hər şeyi eyni anda qəbul etmirlər. Beləliklə, ilk növbədə ağır yaralıları və və həkimləri xilas etmək istəyirik. Onlar 60 nəfərdir”, - o bildirib.

Məlumata görə, Rusiya qoşunları zavodun ərazisinə raket-bomba zərbələri endirir, artilleriya və tankların köməyi ilə hücum əməliyyatları həyata keçirirlər.

Qeyd edək ki, Ukrayna Prezidenti Volodimir Zelenski bildirib ki, “Azovstal”dakı insanları xilas etmək üçün nüfuzlu dövlətlər vasitəçiliyə cəlb olunub.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ukrayna   Rusiya  


Bizi "telegram"da izləyin