ABŞ-ın Havadan Erkən Xəbərdarlıq Təyyarələrinə üstünlük verir – E-7 Wedgetail

2022/04/unnam-1651300136.jpg
Oxunub: 556     15:28     01 May 2022    
ABŞ Hərbi Hava Qüvvələri AWACS kimi tanınan E-3 “Sentry” havadan erkən xəbərdarlıq və nəzarət təyyarəsini əvəz etməyi planlaşdırır.

Ordu.az xəbər verir ki, təyyarələrin bir hissəsinin E-7 AEW&C tipli təyyarələrlə əvəzlənməsi planlaşdırılır.

ABŞ rəsmilərinin sözlərinə görə, ABŞ Hərbi Hava Qüvvələrinin planı ilk sınaq təyyarəsini 2023-cü ildə sifariş etmək və 2027-ci ildə qəbul etməkdir. İkinci prototipin 2024-cü ildə sifariş edilməsi planlaşdırılır. Pentaqonun 2023-cü maliyyə ili üçün büdcə təklifində E-3 “Sentry” təyyarələrinin dəyişdirilməsi üçün 250 milyon dollar vəsait ayrılacağı və layihənin başlayacağı gözlənilir.

Səlahiyyətlilər bildirirlər ki, E-7 təyyarəsi E-3 təyyarəsini əvəz edə biləcək yeganə təyyarədir. ABŞ Hərbi Hava Qüvvələrinin E-7 variantının Avstraliya, Cənubi Koreya və Türkiyədə artıq xidmətdə olan və Böyük Britaniya üçün tikilmiş “Wedgetails”dən nə ilə fərqlənəcəyi hələ aydın deyil. Ancaq ABŞ Hərbi Hava Qüvvələrinin fevral ayında dərc etdiyi tələbələr siyahısı (RFI) ilə təyyarənin radar, rabitə və idarəetmə sistemləri, elektron dəstək və döyüş sistemlərinin daha təkmil olacağı bildirilir.

E-7 “Wedgetail” təyyarəsi “Boeing 737”nin əsasında hazırlanmış müasir və yeni bir təyyarədir. ABŞ Hərbi Hava Qüvvələri ilk versiyası 1970-ci illərdə xidmətə girən “Boeing 707” əsaslı E-3 “Sentry”dən istifadə edir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Boeing  


Bizi "telegram"da izləyin