“Ermənistan Baş naziri Lilit Makuntsu ABŞ-a səfir göndərməklə səhv etdi” - Sasunyan

2022/01/harca-1642587808.jpg
Oxunub: 351     11:03     15 Mart 2022    
“Erməni-Amerika komissiyası var, uzun illərdir görüşlər keçirilir, erməni-amerikan münasibətləri ilə bağlı müxtəlif məsələlər müzakirə olunur”.

Ordu.az xəbər verir ki, bunu ABŞ-da fəaliyyət göstərən “The California Courier” nəşrinin redaktoru Harut Sasunyan deyib.

Onun sözlərinə görə Ermənistan-Amerika münasibətlərinin ən zəif nöqtəsi ondan ibarətdir ki, Ermənistandan təcrübəsiz, diplomatiyanı başa düşməyən səfir var, ona görə də heç nə dəyişmir.

“Ermənistanın keçmiş səfiri Varujan Nersisyanın qurduğu xüsusi əlaqələr tamamilə itib. İndi Lilit Makunts yenidən həmin əlaqələri qurmağa başlamalıdır. Bunun iki problemi var. Birincisi odur ki, bu əlaqələrin qurulması çox vaxt aparacaq. İkincisi isə budur ki, diplomatik təcrübəsi olmadığına görə bu, onun həyata keçirə bilmədiyi peşəkar işdir”, - deyə Sasunyan qeyd edib.

Sasunyan vurğulayıb ki, Ermənistan Baş naziri Lilit Makuntsu ABŞ-a səfir göndərməklə səhv edib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Ermənistan  


Bizi "telegram"da izləyin