Ordu.az xəbər verir ki, bu barədə Ukrayna Silahlı Qüvvələri Baş Qərargahının yaydığı məlumatda deyilir.
Qeyd olunur ki, Rusiya əməliyyat ehtiyatlarının əsas hissəsini tükəndirib və Rusiya Federasiyasının Cənub və Şərq hərbi dairələrindən əlavə qüvvə və texnikanın köçürülməsi üçün hazırlıqlara başlayıb. Rusiya ordusunun ikinci eşelonları və əməliyyat ehtiyatlarının böyük hissəsi istifadəyə verilib.
"Volın istiqamətində Rusiya iki zirehli döyüş maşınının köməyi ilə Polesskoye və Povara yaşayış məntəqələri ərazilərində müdafiə əməliyyatlarına başlayıb. Rusiyanın Belarus Silahlı Qüvvələrini Ukraynaya qarşı müharibəyə cəlb etmək üçün sərhəddə silahlı təxribatlar törədəcəyi istisna edilmir.
Polesi istiqamətində Şərq Hərbi Dairəsinin hərbi hissələrindən ibarət işğalçılar qrupu 15-ə qədər zirehli döyüş maşınlarından ibarət qüvvələrlə Kazaroviçi, Vışqorod, Fastov, Obuxov zonasında hücum əməliyyatı keçirir. Polesskoe, Kuxari, Borodyanka, Bışev, Qoreniçi, Demidov yaşayış məntəqələri ərazisində sərhədlər uğrunda gedən mübarizədə Rusiya qüvvələri öz hücum potensialını qismən itirib. Makarov ərazisində rusların əsas qüvvələrinin qarşısı alınır və dayandırılır. Rusiya ordusu Buçadan və Qostomel aerodromundan geri çəkilib.
Severski istiqamətində Mərkəzi Hərbi Dairənin qoşunlarının 14-ə qədər zirehli texnikasından ibarət qüvvələri, habelə Şimal Donanmasının 14-cü ordu dairəsi Oster, Zazimye, Berezan və Vişenki zonaları, Kiyev istiqamətlərinə cəmləşdirilir.
Slobojanski istiqamətində Qərb Hərbi Dairəsinin qoşunlarının 16-ya qədər zirehli texnikasından ibarət qüvvələri Novomoskovsk istiqamətində səylərini cəmləşdirərək hücum əməliyyatı aparır. Xarkovu şimaldan bloklayır. Ruslar Axtırka bölgəsində uğur qazana bilməyib və əsas qüvvələri Qadyaç və Zenkov bölgələrində cəmləşdirib.
Donetsk istiqamətində 7 zirehli texnikı ilə gücləndirilmiş Rusiya qruplaşmaları Novoaydar, Volnovaxa və Mariupol istiqamətlərində taktiki uğur qazanmaq üçün hücum əməliyyatlarını davam etdirirlər. Mariupolu mühasirəyə alıblar.
Luqanskın Starobelsk istiqamətində hərbi əməliyyatlar aparır.
Tavriçesk istiqamətində Rusiya qoşunları 15-ə qədər zirehli texnika qüvvəsini Nikolaev-Voznesensk istiqamətində cəmləşdirib. Qüvvələrin bir hissəsi Mariupol istiqamətində Zaporojye istiqamətində hücumu davam etdirir. Nikolayev istiqamətində Rusiya Silahlı Qüvvələrinin desant-hücum bölmələrinin fəaliyyətə başlaması qeydə alınıb.
Rusiya qoşunları Nikolaevski istiqamətində dayandırılıb, lakin Voznesensk istiqamətində qismən uğur qazanıblar.
Krımın ərazisindən də çoxlu sayda texnikanın hərəkəti müşahidə olunur.
Qara dənizdə Ukrayna Hərbi Dəniz Qüvvələrinə zərbə endirmək tapşırığı verilmiş rusların dəniz qruplaşması bazalardan çıxarılıb.
Eyni zamanda, Rusiya ordusu Zatoka və Çernomorsk ərazilərində amfibiya desant endirilməsinin hazırlığını davam etdirir. Qruplar atəşə dəstək gəmilərinin bir dəstəsi və raket qayıqlarının zərbə qrupu tərəfindən əhatə olunub.
Qara dəniz sahilində Ukraynanın anti-amfibiya müdafiə sistemini sıradan çıxarmaq üçün Su-24M bombardmançıları gətirilib və RBC-500 kaset bombalarının düşməsi qeydə alınıb.
Rusiya bütün istiqamətlərdə itkilər verir, ruhdan düşmüş qüvvələr təslim olur və texnikasını tərk edir. Bu qənimətlər rusları məğlub etməyə kömək edir", - deyə qərargahın məlumatında bildirilir.
Sevinc Əliyeva
Ordu.az
