Meksika, Kolumbiya və Peruda “Xocalıya ədalət” lövhələri yerləşdirilib

2022/02/6219b-1645852243.jpg
Oxunub: 810     09:11     26 Fevral 2022    
"Xocalıya ədalət" beynəlxalq maarifləndirmə kampaniyası çərçivəsində Xocalı soyqırımının 30-cu ildönümü ilə əlaqədar 25 fevral tarixindən başlayaraq Meksika, Kolumbiya və Perunun paytaxt şəhərləri Mexiko, Boqota və Limanın mərkəzi küçələrində yerləşən böyük və orta ölçülü lövhələrdə “Xocalıya ədalət” çağırışları əks olunur.

Ordu.az xəbər verir ki, bu barədə Azərbaycanın Meksikadakı səfirliyindən məlumat verilib.

Löhvələrdə paytaxt Mexikonun Tlakskoake parkında Xocalı qurbanlarının xatirəsinə 2012-ci ildə ucaldılmış abidənin təsviri, “Azərbaycana qarşı cinayət”, “Xocalıya ədalət”, “30 il” şüarları və "Xocalıya ədalət" kampaniyasının rəsmi internet səhifəsi və loqosu təsvir olunub.

Həmin şəhərlərin sakinləri bir həftə ərzində lövhələrdə yer almış QR kod vasitəsilə "Xocalıya ədalət" kampaniyasının rəsmi internet səhifəsinə daxil olaraq soyqırımı haqda ətraflı məlumat əldə edə biləcək.

Ordu.az

© Materiallardan istifadə edərkən hiperlinklə istinad olunmalıdır


Teqlər: Meksika   Xocalı  


Bizi "telegram"da izləyin