ABŞ Kanadaya P-8A “Poseidon” dəniz patrul təyyarələri təklif edib

2021/01/asfaf-1610357374.jpg
Oxunub: 682     15:55     14 Fevral 2022    
ABŞ-ın “Boeing” şirkəti yeni uzun mənzilli dəniz patrul təyyarəsi axtaran Kanada Hərbi Hava Qüvvələrinə P-8A “Poseidon” təyyarələrini təklif edib.

Ordu.az xəbər verir ki, bu barədə şirkətin mətbuat xidməti məlumat yayıb.

Kanada ordusu CP-140 “Auroras” təyyarələrini əvəz etmək üçün çoxmissiyalı təyyarə (CMMA) layihəsini elan edib. Layihə çərçivəsində alınacaq təyyarələr ölkənin kəşfiyyat, müşahidə və nəzarət missiyalarında sualtı qayıqlara qarşı döyüş qabiliyyətini gücləndirəcək.

P-8A “Poseidon” yüksək keyfiyyətli təyyarə korpusuna malikdir, turbofan reaktiv mühərriki və ən müasir missiya sistemi ilə təchiz edilib. Təyyarə aktiv multi-statik və passiv akustik sensor sistemləri, müasir radarlar, elektro-optik sensor və rəqəmsal maqnit anomaliya detektoruna malikdir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Kanada  


Bizi "telegram"da izləyin