“Hraparak”: Sarkisyanın istefasından sonra kimlər Prezident Aparatından uzaqlaşıblar?

2021/02/armen-1614537729.jpg
Oxunub: 651     16:45     07 Fevral 2022    
Armen Sarkisyanın Ermənistan prezidenti vəzifəsindən istefa verməsindən sonra Prezident Aparatından xeyli sayda adam istefa ərizəsi yazıb və uzaqlaşıb, habelə daha bir hissə də yazmağa hazırlaşır.

Ordu.az xəbər verir ki, bu barədə Ermənistanın “Hraparak” nəşri yazıb.

Nəşr bu mövzuda Ermənistan Prezidentinin Aparatına sorğu da göndərib.

Aparatdan nəşrə cavab veriblər ki, cari il yanvarın 23-dən bu günə qədər Ermənistan Prezidentinin Aparatının rəhbəri E.Tarasyan (23.01.2022-ci il), prezidentin müşavirləri R.Karapetyan (27.01.2022) və A.Qiçyan (01.02.2022), prezidentin köməkçisi T.İknoyan (31.01.2022) və deferent R.Elamiryan (31.01.2022) öz müraciətlərinə əsasən vəzifələrindən azad ediliblər.

Qeyd olunub ki, texniki (mülki) heyətdən 7 əməkdaş, baş ekspert S.Melkonyan (25.01.2022), operator V.Petrosyan (31.01.2022), operator-redaktor M.Avetisyan (31.01.2022), fotoqraf K.Sahakyan (31.01.2022), sürücülər A.Bağdasaryan (01.02.2022) və A.Mirzoyan (02.02.2022), xidmət şöbəsinin əməkdaşı A.Çuxacyan (31.01.2022) də vəzifələrindən azad ediliblər.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   İstefa  


Bizi "telegram"da izləyin