Türkiyə Gürcüstan Müdafiə Nazirliyinə xüsusi ləvazimatlar verib

2021/07/turki-1627627679.jpg
Oxunub: 733     11:05     29 Yanvar 2022    
Türkiyə Gürcüstan Silahlı Qüvvələrinin logistika qabiliyyətinin artırılması məqsədi ilə Gürcüstan Müdafiə Nazirliyinə xüsusi ləvazimatlar təhvil verib.

Ordu.az xəbər verir ki, bu barədə Gürcüstan Müdafiə Nazirliyi məlumat yayıb.

Qeyd olunub ki, Gürcüstana təhvil verilən ləvazimatlar Marneulidə hərbi məqsədlərlə istifadə edilən hava limanı üçün nəzərdə tutulub.

Gürcüstanın müdafiə naziri Cuanşer Burçuladze təqdim edilən ləvazimatların texniki imkanları ilə tanış olub və dəstəyinə görə Türkiyəyə təşəkkür edib.

Qeyd olunub ki, ləvazimatlar Türkiyə ilə Gürcüstan hökumətləri arasında imzalanmış “Hərbi Maliyyə Əməkdaşlığı Razılaşması” çərçivəsində təhvil verilib. Xüsusi ləvazimatların dəyərinin 597 722 ABŞ dolları təşkil etdiyi bildirilib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Gürcüstan  


Bizi "telegram"da izləyin