Yaponiya Zorgenin nəşinin qaytarılması ilə bağlı Rusiyadan təklif almayıb

2022/01/61f3e-1643375151.jpg
Oxunub: 657     16:29     28 Yanvar 2022    
Yaponiya hökuməti kəşfiyyatçı Rixard Zorgenin nəşinin qaytarılması ilə bağlı Rusiyadan heç bir təklif almayıb.

Ordu.az RİA “Novosti”yə istinadən xəbər verir ki, bu barədə Yaponiyanın Rusiyadakı Səfirliyi açıqlama yayıb.

Səfirlik təklif olmadığı üçün kəşfiyyatçının nəşinin qaytarılıb-qaytarılmayacağı ilə bağlı şərh verə bilməyəcəklərini açıqlayıb.

Xatırladaq ki, əslən Bakıdan olan Sovet İttifaqı Qəhrəmanı Rixard Zorge 1933-cü ildən Sovet kəşfiyyatının agenti kimi Yaponiyada çalışıb və 1941-ci ildə ifşa olunaraq həbs edilib. O, 1944-cü ildə edam olunub və Tama qəbiristanlığında dəfn edilib.

Rusiya XİN başçısı Sergey Lavrov Zorgenin nəşinin qaytarılması üçün Yaponiyaya müraciət olunacağını açıqlamışdı.

Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Yaponiya  


Bizi "telegram"da izləyin