İndoneziya 4,5 nəsil orta və ya ağır çəkidə qırıcı axtarır. Prasetyo İndoneziyanın büdcədən asılı olaraq iki və ya üç eskadrilya dəyərində döyüş təyyarəsi istədiyini bildirib.

Ordu.az xəbər verir ki, “Janes” nəşri mənbələrə istinadən İndoneziyanın Fransadan qırıcı almağa qərar verdiyini bildirib.

Nəşr qeyd edir ki, 7 iyun 2021-ci ildə “Dassault Aviation” şirkəti ilə 5,8 milyard avro (6,56 milyard ABŞ dolları) dəyərində preambula müqaviləsi imzalanıb. Qeyd olunur ki, danışıqlar başa çatıb.

İndoneziya Hərbi Hava Qüvvələrinə 36 təyyarənin təhvil verilməsini nəzərdə tutan müqavilə maliyyələşdirmə ilə bağlı məsələ hələlik aydın olmadığı üçün aktiv deyil. Nəşr qeyd edir ki, İndoneziya bu proqramı maliyyələşdirmək üçün xarici kreditor axtarışındadır.

Sevinc Əliyeva
Ordu.az