Ermənistan Baş naziri: "Türkiyə ilə münasibətləri normallaşdırmaq arzusundayıq"

2021/03/16079-1616954301.jpg
Oxunub: 751     21:40     24 Yanvar 2022    
"Ermənistan Türkiyə ilə münasibətləri normallaşdırmaq, diplomatik əlaqələr qurmaq və sərhədləri açmaq arzusundadır".

Ordu.az xəbər verir ki, bu barədə Ermənistanın baş naziri Nikol Paşinyan öz "Facebook" səhifəsində onlayn formatda keçirilən mətbuat konfransında bildirib.

Onun sözlərinə görə, Ermənistan Ankara ilə danışıqlar dinamikasının saxlanılması təqdirdə Türkiyə tərəfinin Antalyada keçiriləcək diplomatik forumda iştirak etmək dəvətini qəbul edə bilər:

"Biz artıq Ermənistan-Türkiyə münasibətlərinin nizamlanması üzrə xüsusi nümayəndələrin görüşünü keçirmişik. Və əgər bu dinamika davam edərsə, o zaman Ermənistanın Antalyada keçiriləcək diplomatik forumda iştirak etmə ehtimalı yüksəkdir. Söhbəti davam etdirmək fürsətini əldən versək, məntiqsiz olar. Qeyd edək ki, dünya birliyi münasibətlərin tənzimlənməsi prosesini dəstəkləyir, o cümlədən Rusiya, Aİ, ABŞ, region dövlətləri".

Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Türkiyə  


Bizi "telegram"da izləyin