“Türkiyə bir güllə ilə iki dovşan vurur” – EKSPERTLƏR

2022/01/image-1642848975.jpg
Oxunub: 1323     15:12     22 Yanvar 2022    
“Münasibətlər qarşılıqlı olmalıdır. Pessimist olmaq istəmirəm, amma düşünürəm ki, bu dəfə bizim qarşımıza ilkin şərtlər qoymağa çalışacaqlar”.

Ordu.az xəbər verir ki, bunu erməni tarixçi Arşavir Qasparyan deyib.

Onun sözlərinə görə, Ermənistanın da ilkin şərtləri olmalıdır.

“Diplomatiya elə bir prosesdir ki, burada hər bir detal çox önəmlidir, ikinci dərəcəli şeylər yoxdur. İndi münasibət qurmaq üçün doğru vaxtdırmı? Bizim milli, həyati mənafelərimiz birinci yerdə olmalıdır”, - deyə Qasparyan qeyd edib.

Beynəlxalq məsələlər üzrə erməni ekspert Davit Karapetyan vurğulayıb ki, ilkin şərtsiz termini artıq şərtdir, lakin pərdəarxası razılaşmaların necə olacağı sualı var.

“Türkiyə bir güllə ilə iki dovşan vurur, vaxt gələcək və biz əmin olacağıq ki, Azərbaycanın marağını da irəli aparacaq. Türkiyə iqtisadiyyatından asılı olduğumuz faktdır”, - deyə Karapetyan bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Ermənistan  


Bizi "telegram"da izləyin