Çili Britaniyadan üç E-3D “Sentry” havadan erkən xəbərdarlıq təyyarəsi alacaq

2022/01/nato--1642839267.jpg
Oxunub: 647     14:17     25 Yanvar 2022    
Çili Hərbi Hava Qüvvələri Böyük Britaniyadan 3 ədəd “Boeing” istehsalı E-3D “Sentry” erkən xəbərdarlıq təyyarəsi alacaq.

Ordu.az “The Defense Post” nəşrinə istinadən xəbər verir ki, yeni təyyarələr hazırda havadan erkən xəbərdarlıq missiyaları üçün istifadə edilən “Boeing” istehsalı “707 Condor”u əvəz edəcək.

“707 Condor” təyyarələri 1990-cı ildən istifadə edildiyi üçün istismar müddətini başa vurur.

Təyyarənin bu il Çiliyə çatması gözlənilir, üç təyyarədən biri ehtiyat hissələri üçün istifadə olunacaq.

Britaniya Hərbi Hava Qüvvələri sonuncu E-3D-ni 2021-ci ilin sentyabrında istismardan çıxarıb. Böyük Britaniya gələn il istifadəyə veriləcək üç E-7 təyyarələrindən istifadə etməyə başlayacaq.

E-3D dörd CFM 56-2A-3 mühərriki ilə işləyir və 18 saata qədər uça bilir. Təyyarə 3,200 kilometr (1,988 mil) mənzilə malikdir.

Təyyarələr 29.000 fut (8.839 metr) hündürlükdə uça bilir və AN/APY-2 müşahidə radarı ilə hava və yerüstü təmasları aşkar etmək və “hava-hava” raketləri daşımaq qabiliyyəti üçün nəzərdə tutulub.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Çili   Boeing  


Bizi "telegram"da izləyin