İran prezidentinin Moskva səfəri şübhələri aradan qaldırıb?

2022/01/555-1642762260.jpg
Oxunub: 689     15:11     21 Yanvar 2022    
Moskvaya səfər edən İran prezidenti İbrahim Rəisi yanvarın 19-da Putinlə görüşüb. Səfər nəzərəçarpacaq dərəcədə əhatəli olsa da, gözlənilən bir sıra sənədlər imzalanmayıb. Bu da, Rusiya-İran münasibətlərində hazırda bir sıra mühüm məsələlərin hələ razılaşdırma mərhələsində olduğunu sübut edir. Beləliklə, tərəflər mühüm razılaşmaları sənədləşdirməyə hazır deyillər. Eyni zamanda, İran prezidentinin ABŞ-la qarşıdurmadan danışaraq Rusiyaya birgə fəaliyyət təklif etməsi və ABŞ-Rusiya danışıqlarının hazırkı kifayət qədər intensiv fazasına dair şübhələrə eyham vurması da bunu sübut edir.

Kremldəki görüşə, ən azı açıq hissəsinə ABŞ-Rusiya danışıqları, Ukrayna ətrafında vəziyyətin daxil edilib-edilmədiyi olduqca maraqlıdır.

Təbii ki, Rusiya-İran münasibətləri bir sıra reallıqları nəzərə alaraq, region üçün həssas mövzudur. Bu mənada İran və Rusiya prezidentlərinin görüşün açıq hissəsində Qafqaza toxunmamaları diqqət çəkir. Hər şübhəsiz ki, Qafqazın ümumi müzakirələrdə olması şübhə doğurmur. Lakin onun açıq sahədə olmaması da yanaşmalarla bağlı problemlərin olduğunu göstərir.

O zaman sual yaranır ki, bu, Qafqazda necə əks olunacaq?

Maraqlıdır ki, Rusiyanın İranla bağlı regional siyasəti sonuncunun ABŞ-la danışıqlarda şübhəli yanaşmaları kontekstində nəzərdən keçirilir. Eyni zamanda, Tehranın yanvarın 14-də Moskvada ilk görüşü baş tutan Ermənistan-Türkiyə prosesinə həmin məntiqlə baxması da istisna edilmir.

Moskvanın da öz növbəsində İran və Çin arasında əməkdaşlığa, xüsusən də təxminən 500 milyard dollarlıq investisiya perspektivini nəzərdə tutan 25 illik müqaviləyə dair “şübhələri” mövcuddur.

Asif Cəfərov
Ordu.az

© Materiallardan istifadə edərkən hiperlinklə istinad olunmalıdır


Teqlər: İran   Moskva   Səfər  


Bizi "telegram"da izləyin