Tayvan Çinə qarşı müdafiə olunmaq üçün minabasdıran gəmilər alıb

2022/01/472ZF-1642235862.jpg
Oxunub: 915     16:05     15 Yanvar 2022    
Tayvan administrasiyası Çinə qarşı müdafiəsini gücləndirmək üçün yeni minabasdıran gəmilər alıb.

Ordu.az xəbər verir ki, adanın lideri Tsai İnq-ven dalğıclara ehtiyac olmadan avtomatik olaraq yüksək sürətlə çoxlu sayda kiçik, lakin güclü mina səpə bilən gəmilərin verilməsi mərasimində iştirak edib.

Bu cür gəmilər Çinin nəhəng hərbi gücü və çoxlu sayda təyyarə, gəmi və digər silahlarda böyük üstünlüyü ilə hər hansı mümkün müdaxilənin qarşısını almaq strategiyasının bir hissəsidir.

Çin Tayvanı öz ərazisi hesab edir və tez-tez hərbi təlimlər və adaya yaxın uçuşlar həyata keçirərək onu öz nəzarəti altına almaq təhlükəsini gücləndirib.

“Lungteh Shipbuilding” tərəfindən inşa olunan dörd gəminin ilkin sifarişi Tayvan administrasiyasının yerli silah sənayesini canlandırmaq və Tayvanın müdafiə silahları üçün əsas müttəfiqi olan ABŞ-dan asılılığını azaltmaq üçün atdığı addımlardan biridir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Çin   Tayvan  


Bizi "telegram"da izləyin