ABŞ Yunanıstanın F-16 qırıcılarına dəstək verəcək

2022/01/h_515-1642143762.jpg
Oxunub: 680     17:54     14 Yanvar 2022    
ABŞ Dövlət Departamenti Yunanıstanın F-16 qırıcılarının mühərriklərinə dəstək vermək üçün nəzərdə tutulan hərbi satış müqaviləsinin icrasına razılıq verib.

Ordu.az xəbər verir ki, bu barədə Pentaqona bağlı Müdafiə Təhlükəsizliyi Əməkdaşlıq Agentliyi məlumat yayıb.

Müqavilənin ümumi dəyəri 223 milyon dollardır. Sazişə F100-PW-229 mühərrikləri üçün müvafiq texniki avadanlıq və dəstək daxildir.

Müqavilə F-16 qırıcılarının F100-PW-229 mühərriklərinə, ehtiyat hissələrinə tələb olunan alət və avadanlıqlara texniki qulluq və texniki xidmət göstərilməsini əhatə edir.

Təsdiqlənmiş satışın Yunanıstanın F-16 “Block 52+” və “Block 52+ Advanced” döyüş təyyarələrində istifadə edilən F100-PW-229 mühərrikləri üçün daha əhatəli baxım qabiliyyəti təmin edəcəyi və döyüş hazırlığı dərəcələrinə töhfə verəcəyi ifadə edilir.

“Pratt & Whitney” şirkətinin F100-PW-229 turbofan mühərriki ABŞ və digər istifadəçi ölkələrin F-16 və F-15 döyüş təyyarələrində istifadə olunur.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Yunanıstan  


Bizi "telegram"da izləyin