Ordu.az xəbər verir ki, bu barədə ölkənin Raketdən Müdafiə Agentliyi (MDA) məlumat yayıb.

LRDR adlı radarın tamamlanması Şimali Koreyanın dövlət mediasının “Hwasong-8” adlı yeni hipersəs raketini sınaqdan keçirməklə bağlı mlumat yaymasından təxminən iki ay və Çinin hipersəs vasitələrini sınaqdan keçirməsindən bir ay sonra baş verir.

MDA-nın press-relizində adla birbaşa Şimali Koreyaya istinad edilməsə də, tanıtım videosunda KXDR dövlət mediasının 2021-ci ilin sentyabrında qatardan buraxılan ballistik raketinin video görüntüləri var və radarın “gələcək konfiqurasiyalarının” hipersəs raketlərini aşkarlaya biləcəyi bildirilir.

Bazar ertəsi keçirilən mətbuat konfransında MDA direktoru Con Hill Hind-Sakit Okean bölgəsindəki “yaramaz dövlətin” “ABŞ-ı hədəf aldığını” bildirib və qeyd edib ki, bu dövlət ballistik raket qabiliyyətini dəfələrlə və çox yaxınlarda nümayiş etdirib.

Radar strateji olaraq Alyaskada yerləşdirilib, ona görə də bu geniş baxış sahəsi ilə o bölgədən gələn təhlükələri aşkar edə biləcək.

Sevinc Əliyeva
Ordu.az