Slovakiya səfirliyi Azərbaycana başsağlığı verib

2021/12/8085b-1638359769.jpg
Oxunub: 668     15:14     01 Dekabr 2021    
Slovakiyanın Azərbaycandakı səfirliyi Dövlət Sərhəd Xidmətinin (DSX) helikopterinin qəzaya uğraması nəticəsində hərbi qulluqçuların həlak olması ilə bağlı Azərbaycana başsağlığı verib.

Ordu.az xəbər verir ki, bu barədə səfirliyin rəsmi feysbuk səhifəsində paylaşım edilib.

“Azərbaycanın Dövlət Sərhəd Xidmətinin hərbi helikopterinin qəzaya uğraması nəticəsində həlak olanların ailələrinə dərin hüznlə başsağlığı veririk. Bu qəzada sağ qalanlara tezliklə sağalmağı arzu edirik”, - deyə paylaşımda deyilir.

Xatırladaq ki, dünən Dövlət Sərhəd Xidmətinin hərbi helikopteri Xızı rayonu ərazisində yerləşən Qaraheybət poliqonunda qəzaya uğrayıb. Hadisə nəticəsində 2 nəfər yaralanıb, 14 nəfər isə həlak olub.

Ordu.az

© Materiallardan istifadə edərkən hiperlinklə istinad olunmalıdır


Teqlər: Slovakiya   Helikopter  


Bizi "telegram"da izləyin