Ordu.az xəbər verir ki, bu barədə İsrail Müdafiə Qüvvələri “Twitter”dəki rəsmi səhifəsində məlumat yayıb.

Yeni qırıcılar İsrailin cənubundakı Nevatim aviabazasına gəlib. Təyyarələrin hamısı 116-cı “Cənub Aslanları” eskadriliyası tərəfindən istifadə olunacaq və İsrail səmalarını qorumaq missiyasına töhfə verəcək.

2010-cu ilin oktyabrında İsrail ABŞ-la müqavilə imzalayaraq F-35 döyüş təyyarələrini tədarük edən ilk ölkə olub. Ümumilikdə 50 ədəd F-35 sifariş verən İsrail ordusu ilk F-35-i 2016-cı ildə əldə edib. İsrail 50 ədədə əlavə olaraq 25 ədəd F-35 sifariş etməyi planlaşdırır. Ümumilikdə İsrail tərəfindən sifariş edilmiş F-35 təyyarələrinin tədarükünün 2024-cü ilə qədər başa çatdırılması gözlənilir.

“Adir” əsasən F-35A-ya bənzəsə də, İsrailə xas olan bəzi xüsusiyyətləri mövcuddur. Mühərrik və kritik hissələr də daxil olmaqla təyyarələrin öz ölkəsində saxlanılması üçün ABŞ-dan təminat alan tək ölkə İsraildir.

Sevinc Əliyeva
Ordu.az