Fransa və Almaniya birgə taktiki hava eskadriliyası və təlim mərkəzi yaradır

2021/09/43CCH-1630650961.jpg
Oxunub: 1061     14:23     04 Sentyabr 2021    
Bir neçə illik danışıqlardan sonra Fransa və Almaniya Hərbi Hava Qüvvələri birgə taktiki hava eskadriliyası və təlim mərkəzinin yaradılması barədə razılığa gəlib.

Ordu.az xəbər verir ki, bu barədə hər iki ölkənin Müdafiə Nazirliyi məlumat yayıb.

Fransa müdafiə naziri Florens Parli və Almaniya müdafiə naziri Anneqret Kramp-Karrenbauer Normandiyada yerləşən “Evreux” aviabazasında bununla bağlı müqavilə imzalayıb.

Razılaşmaya əsasən, eskadriliyada C-130J hərbi nəqliyyat təyyarələri birgə istifadə ediləcək. Mərkəzdə təyyarə pilotları birgə təlim keçəcəklər.

Eskadriliya “Lockheed Martin” şirkəti tərəfindən inşa edilən 10 C-130J təyyarəsindən ibarət olacaq, bunlardan 6-sı Almaniyadan, 4-ü isə Fransadan gələcək.

Hərbi obyektlərin 3 il ərzində istifadəyə verilməsi planlaşdırılır. Mərkəzin 2024-cü ildə tam əməliyyat qabiliyyətinə sahib olması gözlənilir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Fransa   Almaniya  


Bizi "telegram"da izləyin