Sahibə Qafarova BMT-nin Azərbaycandakı rezident əlaqələndiricisi ilə görüşüb

2021/06/1-1624554193.jpg
Oxunub: 402     18:26     24 İyun 2021    
İyunun 24-də Milli Məclisin Sədri Sahibə Qafarova BMT-nin Azərbaycandakı rezident əlaqələndiricisi Qulam İsakzaini ölkəmizdəki diplomatik fəaliyyətinin başa çatması ilə əlaqədar qəbul edib.

Milli Məclisdən Ordu.az-a bildirilib ki, spiker qonağı səmimi salamlayaraq, Azərbaycanın bütün beynəlxalq təşkilatlarla, o cümlədən, BMT ilə münasibətlərə böyük əhəmiyyət verdiyini bildirib. Sahibə Qafarova ölkəmizin BMT-nin bir çox təsisatları ilə sıx əlaqələr qurduğunu və uğurlu əməkdaşlıq həyata keçirdiyini, paytaxt Bakının BMT-nin bir neçə mühüm tədbirinə ev sahibliyi etdiyini, ötən il Azərbaycan Prezidenti İlham Əliyevin təşəbbüsü ilə BMT Baş Assambleyasının dövlət və hökumət başçıları səviyyəsində xüsusi iclasının keçirildiyini qeyd edib.

BMT-nin Azərbaycandakı ofisinin müxtəlif proqramlar çərçivəsində ölkəmizin dövlət qurumları ilə fəal əməkdaşlıq etdiyini də bildirən spiker Sahibə Qafarova xüsusilə dayanıqlı inkişaf məqsədlərinə nail olmaq üçün görülən tədbirləri qeyd edib.

Görüşdə Milli Məclisin Sədri cənab Qulam İsakzainin Azərbaycan üçün çox əhəmiyyətli və tarixi bir dövrdə ölkəmizdə fəaliyyət göstərdiyini bildirərək, xatırladıb ki, 2020-ci ildə 44 günlük Vətən müharibəsi zamanı Azərbaycan öz torpaqlarını Ermənistanın işğalından azad edərək ərazi bütövlüyünü bərpa etdi, BMT Təhlükəsizlik Şurasının münaqişə ilə bağlı 4 qətnaməsini özü yerinə yetirdi. Hazırda isə yeni bir dövrə - bərpa və yenidənqurma dövrünə qədəm qoymuşuq.

Üçtərəfli bəyanatın imzalanmasından sonra Ermənistan tərəfindən törədilən təxribatlarla bağlı məlumat verən Sahibə Qafarova bildirib ki, müharibə başa çatdıqdan sonra azad olunmuş ərazilərdə çoxlu sayda hərbçi və mülki vətəndaşımız Ermənistan tərəfindən quraşdırılmış minalara düşüb. Azərbaycan tərəfinin mina xəritələrinin təqdim edilməsi ilə bağlı çoxsaylı çağırışlarına baxmayaraq, Ermənistan bundan imtina edir və bununla da beynəlxalq humanitar hüququ pozaraq, hərbi cinayətlərini davam etdirir. Spiker, iyunun 4-də 3 nəfər azərbaycanlının öz xidməti fəaliyyətini yerinə yetirərkən minaya düşərək həlak olmaları faktını xatırladaraq, əlavə edib ki, onlardan ikisi jurnalistdir. Sahibə Qafarova həmçinin bildirib ki, Ermənistan sərhədlərin delimitasiyası məsələsində də təxribatlara əl atır, 10 noyabr 2020-ci il tarixli üçtərəfli bəyanatın müddəalarını kobud şəkildə pozaraq azad olunmuş ərazilərimizə terrorçu qruplar göndərməkdə davam edir və bu bəyanatın imzalanmasından sonra Azərbaycan ərazilərində həbs olunmuş terrorçuları "hərbi əsirlər" kimi qələmə verməyə çalışır.

Səmimi qəbul üçün minnətdarlığını bildirən BMT-nin Azərbaycandakı rezident əlaqələndiricisi Azərbaycanda fəaliyyəti dövründə ona göstərilən dəstəyə və yaradılan şəraitə görə təşəkkürünü ifadə edərək, bu illər ərzində təşkilatla Azərbaycanın müvafiq qurumları arasında məhsuldar əməkdaşlıq həyata keçirildiyini qeyd edib. O, son illərdə BMT-nin müvafiq proqramları çərçivəsində baş tutan tədbirlərdən danışıb.

Milli Məclisin Sədri Qulam İsakzainin Azərbaycandakı uğurlu fəaliyyətini, BMT və Azərbaycan arasındakı əməkdaşlığın inkişafına verdiyi töhfəni qeyd edib, ona gələcək fəaliyyətində uğurlar arzulayıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: BMT   Sahibə-Qafarova  


Sahibə Qafarova BMT-nin Azərbaycandakı rezident əlaqələndiricisi ilə görüşüb

2021/06/1-1624554193.jpg
Oxunub: 403     18:26     24 İyun 2021    
İyunun 24-də Milli Məclisin Sədri Sahibə Qafarova BMT-nin Azərbaycandakı rezident əlaqələndiricisi Qulam İsakzaini ölkəmizdəki diplomatik fəaliyyətinin başa çatması ilə əlaqədar qəbul edib.

Milli Məclisdən Ordu.az-a bildirilib ki, spiker qonağı səmimi salamlayaraq, Azərbaycanın bütün beynəlxalq təşkilatlarla, o cümlədən, BMT ilə münasibətlərə böyük əhəmiyyət verdiyini bildirib. Sahibə Qafarova ölkəmizin BMT-nin bir çox təsisatları ilə sıx əlaqələr qurduğunu və uğurlu əməkdaşlıq həyata keçirdiyini, paytaxt Bakının BMT-nin bir neçə mühüm tədbirinə ev sahibliyi etdiyini, ötən il Azərbaycan Prezidenti İlham Əliyevin təşəbbüsü ilə BMT Baş Assambleyasının dövlət və hökumət başçıları səviyyəsində xüsusi iclasının keçirildiyini qeyd edib.

BMT-nin Azərbaycandakı ofisinin müxtəlif proqramlar çərçivəsində ölkəmizin dövlət qurumları ilə fəal əməkdaşlıq etdiyini də bildirən spiker Sahibə Qafarova xüsusilə dayanıqlı inkişaf məqsədlərinə nail olmaq üçün görülən tədbirləri qeyd edib.

Görüşdə Milli Məclisin Sədri cənab Qulam İsakzainin Azərbaycan üçün çox əhəmiyyətli və tarixi bir dövrdə ölkəmizdə fəaliyyət göstərdiyini bildirərək, xatırladıb ki, 2020-ci ildə 44 günlük Vətən müharibəsi zamanı Azərbaycan öz torpaqlarını Ermənistanın işğalından azad edərək ərazi bütövlüyünü bərpa etdi, BMT Təhlükəsizlik Şurasının münaqişə ilə bağlı 4 qətnaməsini özü yerinə yetirdi. Hazırda isə yeni bir dövrə - bərpa və yenidənqurma dövrünə qədəm qoymuşuq.

Üçtərəfli bəyanatın imzalanmasından sonra Ermənistan tərəfindən törədilən təxribatlarla bağlı məlumat verən Sahibə Qafarova bildirib ki, müharibə başa çatdıqdan sonra azad olunmuş ərazilərdə çoxlu sayda hərbçi və mülki vətəndaşımız Ermənistan tərəfindən quraşdırılmış minalara düşüb. Azərbaycan tərəfinin mina xəritələrinin təqdim edilməsi ilə bağlı çoxsaylı çağırışlarına baxmayaraq, Ermənistan bundan imtina edir və bununla da beynəlxalq humanitar hüququ pozaraq, hərbi cinayətlərini davam etdirir. Spiker, iyunun 4-də 3 nəfər azərbaycanlının öz xidməti fəaliyyətini yerinə yetirərkən minaya düşərək həlak olmaları faktını xatırladaraq, əlavə edib ki, onlardan ikisi jurnalistdir. Sahibə Qafarova həmçinin bildirib ki, Ermənistan sərhədlərin delimitasiyası məsələsində də təxribatlara əl atır, 10 noyabr 2020-ci il tarixli üçtərəfli bəyanatın müddəalarını kobud şəkildə pozaraq azad olunmuş ərazilərimizə terrorçu qruplar göndərməkdə davam edir və bu bəyanatın imzalanmasından sonra Azərbaycan ərazilərində həbs olunmuş terrorçuları "hərbi əsirlər" kimi qələmə verməyə çalışır.

Səmimi qəbul üçün minnətdarlığını bildirən BMT-nin Azərbaycandakı rezident əlaqələndiricisi Azərbaycanda fəaliyyəti dövründə ona göstərilən dəstəyə və yaradılan şəraitə görə təşəkkürünü ifadə edərək, bu illər ərzində təşkilatla Azərbaycanın müvafiq qurumları arasında məhsuldar əməkdaşlıq həyata keçirildiyini qeyd edib. O, son illərdə BMT-nin müvafiq proqramları çərçivəsində baş tutan tədbirlərdən danışıb.

Milli Məclisin Sədri Qulam İsakzainin Azərbaycandakı uğurlu fəaliyyətini, BMT və Azərbaycan arasındakı əməkdaşlığın inkişafına verdiyi töhfəni qeyd edib, ona gələcək fəaliyyətində uğurlar arzulayıb.

Ordu.az

© Materiallardan istifadə edərkən hiperlinklə istinad olunmalıdır


Teqlər: BMT   Sahibə-Qafarova  


Bizi "telegram"da izləyin